ئیسماعیل بەقایی وتەبێژی وەزارەتی دەرەوەی ئێران بە توندی گەمارۆ نوێیەکانی ئەمریکا بۆ سەر تاک و ڕێکخراوە یاساییەکان لە ئێران و چەند وڵاتێکی دیکە ئیدانە کرد کە بە بیانووی هاوکاری لەگەڵ ئێران لە بوارە جیاجیاکانی ئابووری و بازرگانیدا، سەپێندراوە.
وتەبێژی وەزارەتی دەرەوەی ئێران بە ئاماژەدان بە درێژەی سیاسەتی دوژمنکارانە، نایاسایی و نامرۆڤانەی ئەمریکا لە دژی نەتەوەی ئێران، گەمارۆ چەپەڵەکانی ئەو وڵاتەی لە دژی ئێران بە پێشێلکردنی بنەما و ڕێسا بنەڕەتییەکانی یاسای نێودەوڵەتی لەوان پێوەرەکانی مافی مرۆڤ زانی .
ڕاشیگەیاند: "ئەو سزایانەی لە چەند ڕۆژی ڕابردوودا بە بیانووی جۆراوجۆر لە دژی تاکەکانی ئێران و وڵاتانی دیکە ڕاگەیەندراون نیشانەیەکی ڕوونن بۆ پێداگری داڕێژەرانی سیاسەتی ئەمریکی لەسەر شکاندنی یاسا و پێشێلکردنی ماف و بەرژەوەندییەکانی وڵاتانی دیکە.
342/
Your Comment